مەودا میدیا-

پۆلیسی هەولێر دەستگیرکردنی باندێکی حەوت کەسی راگەیاند بە تۆمەتی ساختەکردنی زێڕ و فرۆشتنی بە زەڕەنگەرەکان، ئاماژە بەوەشکراوە تۆمەتباران دانیان بە تاوانەکەیاندا ناوە و به‌پێی ماده‌ 456 له‌ یاسای سزادان راگیراون.

لە راگەیەندراوێکدا پۆلیسی هەولێر رایگەیاند "به‌شی پۆلیسی نه‌هێشتنی تاوانی هه‌ولێر، نووسینگه‌ی عه‌نكاوه‌، پاش ئاگاداركردنه‌وه‌یان كه‌وا چه‌ند كه‌سێك له‌ شارۆچكه‌ی عه‌نكاوه‌ زێڕ ساخته‌ ده‌كه‌ن و دواتر به‌ زێڕنگره‌كانی ده‌فرۆشن، ده‌ستبه‌جێ تیمێكی لێكۆڵینه‌وه‌یان پێكهێنا و دوای به‌دواداچوونێكی ورد و به‌ده‌ستهێنانی زانیاری، توانییان 7 تۆمه‌تبار به‌ ناوه‌كانی (هـ.ك.ج) و (ا.ا.م) و (ێ.ك.ج) و (ع.م.ق) و (ع.ع.ف) و (ع.م.ع) و (ح.س.ع) ده‌ستگیر بكرێن".

پۆلیسی هەولێر ئاماژەی بەوەشکردووە "تۆمه‌تباران دانیان نا به‌ تاوانه‌كه‌یاندا و به‌ بڕیاری دادوه‌ر و به‌پێی مادده‌ (456) له‌ یاسای سزادان راگیراون و رووبه‌ڕووی دادگا كراونه‌ته‌وه‌".

س.س