مەودا میدیا- سازگار ئەحمەد

بەرەبەیانی ئەمڕۆ لە ناحیەی سکتانی سەر بە قەزای کۆیە ژنێکی تەمەن 64 ساڵ بە پەت خۆی خنکاند، بەپێی وتەی پزیشکی ئەو سنوورە بێت ئەو ژنە باری دەروونی تەواو نەبووە.

زانا سەمەد، رائیدی بنکەی پۆلیسی سکتان بە مەودا میدیای راگەیاند "بەرەبەیانی ئەمڕۆ هەینی لە ناحیەی سکتانی سەر بە قەزای کۆیە ژنێکی تەمەن 64 ساڵ بە پەت خۆی خنکاند".

ئاماژەی بەوەشکرد "ژنەکە هاوسەرەکەی نەماوە و منداڵەکانی زەواجیان کردووە و ناوی (گوڵ رەسوڵ مستەفا)یە، بەپێی وتەی پزیشکی ناحیەی سکتان بێت باری دەروونی ئەو ژنە تەواو نییە".

باسی لەوەشکرد "تەرمی ژنەکە نێردراوە بۆ پزیشکی دادی هەولێر بەمەبەستی زیاتر لێکۆڵینەوە لە رووداوەکە، بۆ ئەوەی بزانین خۆی خنکاندووە یان خنکێندراوە".

س.س