مەودا میدیا- فریشتە مەحمود

 ئەندامێكی جڤاتی نیشتیمانی گۆڕان رایگەیاند ئەمڕۆ  جڤاتی گشتی بزووتنەوەكە لەسەر دۆخی ئیستای هەرێمی كوردستان لە كۆبوونەوەدایە و تیایدا كۆمەڵێك پرسی گرنگ تاوتوێ دەكات.

نزار مەحمود، ئەندامی جڤاتی نیشتیمانی بزووتنەوەی گۆڕان بە مەودا میدیا وت "پێشنیوەڕۆی ئەمڕۆ ئەندامانی جڤاتی گشتی بەمەبەستی گفتوگۆكردن لەبارەی دۆخی ئێستای هەرێمی كوردستان و بارودۆخی ناوخۆی بزووتنەوەی گۆڕان لە كۆبوونەوەدان".

جێگای ئاماژەیە لە دوای هەڵبژاردنەكانی خانەی راپەراندن ئەم كۆبوونەوەیە دووەم كۆبوونەوەی جڤاتی گشتی بزووتنەوەی گۆرانە.