مه‌ودا میدیا-

به‌ڕێوه‌به‌ری گومرگی مه‌رزی نێوده‌وڵه‌تی باشماخ رایده‌گه‌یه‌نێت دوو كارمه‌ندی مه‌رزه‌كه‌ دراونه‌ته‌ دادگا و لێكۆڵینه‌وه‌یان له‌گه‌ڵ ده‌كرێت، هۆكاری ئه‌وه‌ش ده‌گه‌ڕێته‌وه‌ بۆ دیارنه‌مانی بڕێك پاره‌ی مه‌رزه‌كه‌.

شاخه‌وان ئه‌بوبه‌كر، به‌ڕێوه‌به‌ری گومرگی مه‌رزی نێوده‌وڵه‌تی باشماخ به‌ مه‌ودا میدیای راگه‌یاند "دوای به‌دواداچوون بۆ بڕێك پاره‌ كه‌ 233 ملیۆن دیناربوو، ده‌ركه‌وت چه‌كێكی پاره‌ به‌و بڕه‌ پاره‌یه‌ی سه‌ره‌وه‌ له‌ بانك راكێشراوه‌ به‌ناوی مه‌رزی نێوده‌وڵه‌تی باشماخه‌وه‌".

به‌ڕێوه‌به‌ری گومرگی مه‌رزی نێوده‌وڵه‌تی باشماخ وتی "دوای به‌دواداچوون و لێكۆڵینه‌وه‌، ده‌ركه‌وت دوو كارمه‌ندی مه‌رزه‌كه‌ پاره‌كه‌یان وه‌رگرتووه‌و نه‌یان خۆستووه‌ته‌ سه‌ر هه‌ژمێری بانكی مه‌رزی نێوده‌وڵه‌تی باشماخ، دوای ئه‌وه‌ی درانه‌ دادگا دانیان به‌ تاوانه‌كه‌یاندا نا".