مه‌ودا میدیا-

بڕیاره‌ سبه‌ی یه‌كشه‌ممه‌ له‌ ناحیه‌ی شۆڕش و سه‌نگاو نه‌وتی ساڵی رابردوو به‌سه‌ر هاوڵاتیاندا دابه‌ش بكرێت.

به‌پێی راگه‌یه‌نراوێكی قایمقامیه‌تی قه‌زای چه‌مچه‌ماڵ كه‌ تیایدا ئاگاداری دانیشتووانی ناحییه‌كانی شۆڕش و سه‌نگاو ده‌كات "سبه‌ی یه‌كشه‌ممه‌ 19ی كانوونی دووه‌می 2020 له‌و دوو ناحیه‌یه‌ نه‌وت به‌سه‌ر هاوڵاتیاندا دابه‌ش ده‌كرێت".

به‌پێی راگه‌یه‌نراوه‌كه‌ی قایمقامیه‌تی قه‌زای چه‌مچه‌ماڵ "ئه‌و نه‌وته‌ی سبه‌ی دابه‌ش ده‌كرێت بۆ ئه‌و هاوڵاتیانه‌یه‌ كه‌ ساڵی رابردوو نه‌وتیان وه‌رنه‌گرتووه‌، به‌ كۆدی 280 دابه‌ش ده‌كرێت، بڕی نه‌وته‌كه‌ش 216 لیتره‌ و له‌ بری ئه‌و بڕه‌ نه‌وته‌ 46 هه‌زار دینار له‌ هاوڵاتی وه‌رده‌گیرێت".