مه‌ودا میدیا-

ئه‌مشه‌و له‌ هێرشێكی چه‌كدارانی داعش بۆ سه‌ر خاڵێكی سوپای عیراق له‌ قه‌زای داقوق سه‌ربازێكی سوپای عیراق كورژرا و 2 سه‌ربازی تر برینداربوون.

به‌پێی راگه‌یه‌نراوی شانه‌ی راگه‌یاندنی ئه‌منی "چه‌كدارانی داعش له‌ قه‌زای داقوقی باشوری شاری كه‌ركوك هێرشیان كردووه‌ته‌ سه‌ر خاڵێكی سوپای عیراق".

له‌ راگه‌یه‌نراوه‌كه‌دا هاتووه‌ "سه‌ربازێكی سوپای عیراق كوژراوه‌ و 2 سه‌ربازی تر برینداربوون".

به‌پێی زانیارییه‌كانی مه‌ودا میدیا كه‌ له‌سه‌رچاوه‌یه‌كی تایبه‌ته‌وه‌ وه‌ری گرتووه‌ له‌ ئێستادا ره‌وشی ناوچه‌كه‌ ئارام بووه‌ته‌وه‌.