مەودا میدیا-

باڵیۆزی بەریتانیان لە عیراق لەبارەی خۆپیشاندانەکانی ئەم چەند رۆژەی شار و شارۆچکە جیاوازەکانی شاری هەرێمی کوردستان پەیامێکی بڵاوکردەوە و رایدەگەیەنێت راپۆرتی توندوتیژی و قوربانییەکانی سلێمانی و بەکارھێنانی چەك لە ناخەوە ھەژاندووە.

ستیڤن هیکی، باڵیۆزی بەریتانیا لە عیراق لە جریوەیەکدا لە تۆڕی کۆمەڵایەتیی تویتەر نووسیوویەتی "راپۆرتی توندوتیژی و قوربانییەکانی سلێمانی و بەکارھێنانی چەك لە ناخەوە ھەژاندمی، داوا لە دەسەڵاتی ئەمنی دەکەم رێز لە خواستی خۆپێشاندانی ئاشتییانە بگرن و دان بەخۆیاندا بگرن".

باڵیۆزی بەریتانیا لە عیراق لە پەیامەکەیدا ئاماژەی بەوەشکردووە "داوا لە خۆپیشاندەرانیش دەکەم ئاشتیانە خۆپیشاندان بکەن".

س.س