مه‌ودا میدیا-

وته‌بێژی جێگری سه‌رۆكی ئه‌نجومه‌نی وه‌زیرانی هه‌رێمی كوردستان ده‌ڵێت به‌بێ‌ سیسته‌می تۆماری بایۆمه‌تری ناتوانرێت یاسای چاكسازی جێبه‌جێبكرێت، چونكه‌ ئه‌و سیسته‌مه‌ بنه‌مایه‌كی گرنگه‌ بۆ جێبه‌جێكردنی یاسای چاكسازی. 

سه‌میر هه‌ورامی، وته‌بێژی قوباد تاڵه‌بانی، جێگری سه‌رۆكی ئه‌نجومه‌نی وه‌زیرانی هه‌رێمی كوردستان به‌ مه‌ودا میدیای راگه‌یاند "پشت به‌ستوو به‌ تۆماری بایۆمه‌تری یاسای چاكسازی جێبه‌جێده‌كرێت، به‌بێ‌ بایۆمه‌تری ناتوانرێت چاكسازی بكرێت".

سه‌میر هه‌ورامی وتی "سیسته‌می تۆماری بایۆمه‌تری بنه‌مایه‌كی سه‌ره‌كی جێبه‌جێكردنی قۆناغه‌كانی یاسای چاكسازییه‌".

به‌پێی ئه‌و سیسته‌مه‌ ئه‌لكترۆنییه‌ زیاتر له‌ 1 ملیۆن و 255 هه‌زار مووچه‌خۆر هه‌یه‌ كه‌ مانگانه‌ مووچه‌ له‌ حكومه‌تی هه‌رێمی كوردستان وه‌رده‌گرن.