مه‌ودا میدیا-

قایمقامیه‌تی قه‌زای كه‌لار نرخی مریشك جێگیر ده‌كات و هه‌نارده‌كردنیشی بۆ ده‌ره‌وه‌ی سنوری گه‌رمیان قه‌ده‌غه‌ ده‌كات.

له‌ راگه‌یه‌نراوێكدا قایمقامیه‌تی قه‌زای كه‌لار رایگه‌یاند "ئه‌مڕۆ دووشه‌ممه‌ 20ی كانونی دووه‌می 2020 له‌ ئاسایشی كه‌لار به‌ ئاماده‌بوونی نوێنه‌ری ئیداره‌ی گه‌رمیان و قایمقامی كفری و به‌ڕێوه‌به‌رانی به‌ڕێوه‌به‌رایه‌تی چاودێری و بازرگانی گه‌رمیان و ڤێتێرنه‌ری و ئاسایشی خۆراك كۆبوونه‌وه‌یه‌ك تایبه‌ت به‌ به‌رزبوونه‌وه‌ی نرخی مریشك ئه‌نجامدرا.

به‌پێی راگه‌یه‌نراوه‌كه‌ی قایمقامیه‌تی كه‌لار له‌ كۆبوونه‌وه‌كه‌دا بڕیار درا له‌سه‌ر جێگیركردنی نرخی مریشك به‌جۆرێك نرخی یه‌ك كیلۆ مریشك به‌ 2 هه‌زار و 750 دیناربێت، هه‌روه‌ها بڕیاردا هه‌نارده‌ی مریشك له‌ گه‌رمیانه‌وه‌ بۆ ناوچه‌كانی تر قه‌ده‌غه‌ بكرێت.