کوردستانی
وەزارەتی کارەبا: تا 18 مانگی تر کارەبا لە تورکیا دەکڕین
مەودا میدیا - سلێمانی |
مەودا میدیا-
وەزارەتی کارەبای هەرێمی کوردستان رایگەیاند ناچارن کارەبا لە تورکیا بکڕن چوونکە هەرزانتر دەکەوێت بە بەراورد بەوەی بە گازوایل کارەبا بەرهەمبهێنرێت.
ئەمڕۆ دووشەممە، لیژنەی پیشەسازی و وزەی پەرلەمانی کوردستان سەردانی وەزارەتی کارەبای هەرێمی کوردستانیان کردووە و لەبارەی چەند پرسێکەوە بەدواداچوونیان کردووە.
بەگوێرەی ڕاگەیەنراوی لیژنەکەی پەرلەمان، وەزارەتی کارەبای هەرێم روونکردنەوەی داوە لەبارەی بڕیاری کڕینی کارەبا لە تورکیا بۆ پارێزگای دهۆک.
ئاماژە بەوەکراوە کە وەزارەتی کارەبا روونیکردووەتەوە ناچارە کارەبا لە تورکیا بکڕێت تا ئەوکاتەی بۆری غازی سروشتی دەگاتە وێستگەکانی کارەبا، چوونکە کڕینی کارەبا لە تورکیا هەرزانتر دەکەوێت تا بەرهەمهێنانی کارەبا لە گازوایل.
وەزارەتی کارەبا ئەوەشی خستوەتەڕوو کە ڕاکێشانی بۆری غازی سروشتی بۆ پارێزگای دهۆک، نزیکەی 18 مانگی پێدەچێت و گرێبەستەکەشیان لەگەڵ تورکیا تا ئەوکاتەیە.
ب.م
بیروڕا
