مەودا میدیا-

یەکەم حاڵەتی تووشبوون بە جۆرە نوێیەکەی کۆرۆنا لە ئێران تۆمارکرا و بەوەش کۆرۆنا نزیکتر بووەوە لە هەرێمی کوردستان.

سەعید نمەکی، وەزیری تەندروستیی ئێران بە میدیای فەرمی ئێرانی راگەیاندووە "هاوڵاتییەکی ئێرانی کە لە بەریتانیاوە هاتووەتەوە پشکنینی بۆ کراوە و دەرکەوتووە کە هەڵگری ڤایرۆسی کۆرۆنای گۆڕاوە".

نمەکی ئاماژەی بەوەشکردووە دوای چەندین جار تاقیکردنەوە دڵنیابوونەتەوە کە نەخۆشەکە هەڵگری ئەو ڤایرۆسەیە، بەڵام ئێستا دۆخی جێگیرە و لە ژێر چاودێریدایە.

 ئەو جۆرە نوێیەی ڤایرۆسی کۆرۆنا سەرەتا لە بەریتانیا بڵاوبووەوە، بەگوێرەی توێژینەوەکان، لە جۆرەکەی تری کۆرۆنا خێراتر بڵاودەبێتەوە، بەڵام وەکو ئەو مەترسیی لەسەر گیانی نەخۆشەکە دروست ناکات.

ب.م