کوردستانی
هاوپەیمانان بەردەوام دەبن لە هاوکاریکردنی وەزارەتی پێشمەرگە
مەودا میدیا - سلێمانی |
مەودا میدیا-
هێزەکانی هاوپەیمانان بەردەوام دەبن لە هاوکاریکردنی پێشمەرگەی هەرێمی کوردستان و بەرپرسێکی هاوپەیمانانیش جەخت لە هەماهەنگی زیاتر لەگەڵ پێشمەرگە دەکاتەوە.
نوسینگەی راگەیاندنی شۆڕش ئیسماعیل، وەزیری پێشمەرگەی هەرێمی کوردستان لە راگەیەنراوێکدا ئاماژەی بەوەکردووە کە ئەمڕۆ وەزیری پێشمەرگە پێشوازی لە جه‌نه‌ڕاڵ پره‌نسیپه به‌رپرسی نوسینگه‌ی هه‌ماهه‌نگی ئه‌منی هاوبه‌شی هاوپەیمانان کردووە.
بەگوێرەی راگەیەنراوەکە لە کۆبووەکەدا جەختکراوەتەوە لە هەناهەنگی زیاتری نێوان پێشمەرگە و سوپای عێراق و هێزەکانی هاوپەیمانان بۆ رووبەڕووبوونەوەی تیرۆر.
ئاماژە بەوەشکراوە کە به‌رپرسی نوسینگه‌ی هه‌ماهه‌نگی ئه‌منی هاوبه‌ش بەردەوامیی هاوکارییەکانی بۆ وەزارەتی پێشمەرگەی هەرێمی کوردستان دووپاتکردووەتەوە.
هاوپەیمانیی نێودەوڵەتی دی داعش، لەدوای دروستبوونی داعشەوە دروستبووە و ئامانجی هەماهەنگیکردنە بۆ لەناوبردنی داعش.
هێزەکانی هاوپەیمانان، مانگانە زیاتر لە ٢٥ ملیار دینار وەکو هاوکاری دەدەنە وەزارەتی پێشمەرگە و لەگەڵ ئەوەشدا مەشق و ڕاهێنان بە هێزەکان دەکەن.
ب.م
بیروڕا
