مه‌ودا میدیا-

به‌ڕێوه‌به‌رایه‌تی هاتووچۆی پارێزگای هه‌ڵه‌بجه‌ ده‌نگۆی پێدانی ژماره‌ به‌ ئۆتۆمبیلی بێ‌ سه‌ره‌تا و ئه‌و ئۆتۆمبیلانه‌ی هیچ به‌ڵگه‌یه‌كی یاساییان نیه‌ به‌ناوی پارێزگای هه‌ڵه‌بجه‌وه‌ ره‌تده‌كاته‌وه‌، به‌ڕێوه‌به‌ی هاتووچۆی پارێزگاكه‌ش ده‌ڵێت پێدانی ژماره‌ به‌ ئۆتۆمبیل(هه‌ر ئۆتۆمبیلێك بێت) له‌ده‌سه‌ڵاتی ئه‌واندا نیه‌.

عه‌مید حه‌سه‌ن عه‌بدوڵڵا، به‌ڕێوه‌به‌ری به‌ڕێوه‌به‌رایه‌تی هاتووچۆی پارێزگای هه‌ڵه‌بجه‌ به‌ مه‌ودا میدیای راگه‌یاند " ئه‌و ده‌نگۆیه‌ی كه‌ بڵاوبووه‌ته‌وه‌ گوایه‌ تابلۆی ژماره‌ هه‌ڵه‌بجه‌ ده‌درێت به‌ ئۆتۆمبیلی بێ‌ سه‌ره‌تا یان ئه‌و ئۆتۆمبیلانه‌ی هیچ به‌ڵگه‌یه‌كی یاساییان نیه‌، دووره‌ له‌ راستییه‌وه‌".

به‌ڕێوه‌به‌ری به‌ڕێوه‌به‌رایه‌تی هاتووچۆی پارێزگای هه‌ڵه‌بجه‌ وتی "بۆ هه‌موولایه‌كی روون ده‌كه‌ینه‌وه‌، پێدانی ژماره‌ به‌ ئۆتۆمبیل به‌هیچ جۆرێك له‌ ده‌سه‌ڵاتی ئێمه‌دا نیه‌".