مەودا میدیا-

لە لایەن بازگەی بەرێوەبەرایەتی ئاسایشی پیرمام- کۆڕێ سێ هەزار و 500 کیلۆگرام هێلکەی نایاسایی دەستی بەسەردا گیرا.

قایمقامیەتی پارێزگای هەولێر لە راگەیاندراوێکدا بڵاویکردەوە، کە ئەمڕۆ لە لایەن بازگەی بەرێوەبەرایەتی ئاسایشی پیرمام- کۆڕێ سێ هەزار و 500 کیلۆگرام هێلکەی نایاسایی دەستی بەسەردا گیراوە.

ئاماژە بەوەشکراوە، ئەم جۆرە هێلکەیە بە نایاسایی داخڵکراون، رێککەوتی 9 مانگی لێدراوە و بەشێکیش لەم ھێلکەیە ھیچ رێکەوتێکی لەسەر نیە.

ئەوەش خراوەتەڕوو، ئەو هێلکەیەی دەستی بەسەرداگیرابوو گواسترایەوە بۆ زبڵخانەی کانی قڕژاڵە و لەوێ لەناو بردرا، هەروەها ئۆتۆمبێلەکەش دەستی بەسەرداگیراوە و رێکاری یاسایی بەرامبەر بە خاوەنەکەی گیراوەتەبەر.