مەودا میدیا

ئەندامێکی پەرلەمانی کوردستان رایدەگەێنێت ئەمشەو دەیان سەیارە کاڵای قاچاخ و بەبێ گەمرگ و پشکنین داخڵ دەکرێت بۆ خواردنی خەڵکی کوردستان ئاماژە بەوەش دەکات قازانجی یەک شەو یەک ملیۆن دۆلارە.

عەلی حەمە ساڵح، ئەندامی پەرلەمانی کوردستان لە فراکسیۆنی بزوتنەوەی گۆڕان لە لاپەڕەی فەرمی خۆی لە فەیسبووک شەوی رابردووە لە پۆستێکدا نووسیویەتی "دەیان سەیارە ئەمشەو کاڵای قاچاخەو بەبێ گەمرگ و پشکنین داخڵ دەکرێت بۆ خواردنی خەڵکی کوردستان, هەروەها لە شەقامی پشتی باشماخەوە بە زەبری ھێز شەوانە زیاتر لە سەد بارھەڵگر ھێلکە و جگەرە و دوگی قاچاخ دەھێندرێت و قازانجی یەک شەو یەک ملیۆن دۆلارە".

ئاماژەی بەوەشکردووە "چوار مانگە سەرۆکایەتی حکومەت و وەزیرەکانم ئاگادار کردوەتەوە، نەک ڕێگری ناکرێت بەلکو زیاد دەکات و قاجاخچیەکانیش ھەڕەشە دەکەن,کەس ئەم تاڵانیە راناگرێت.". 

ئەوەشی نووسییەوە "لە ئیبراھیم خەلیل و تاوەکو پەرویزخان بەدواداچونم کردووە بۆ قاچاخی و قۆرخکاری و گەندەڵی و بە ملیۆنێربوونی  چەند بەرپرس و کۆمپانیایەکان، ھەمویم خستە بەردەست حکومەت, من خۆم بەرپرس دەزانم بەرامبەر ئەم تاوانە".