مه‌ودا میدیا-

بومه‌له‌رزه‌یه‌كی تر پارێزگای خارپێتی له‌ باكوری كوردستان هه‌ژانده‌وه‌، كه‌ گوڕه‌كه‌ی 5,1 پله‌ بوو به‌ پێوه‌ری رێخته‌ر تا ئێستا زیانه‌كانی نه‌زانراون.

له‌ماوه‌ی 24 كاتژمێری رابردوودا بۆ سێیه‌م جار بومه‌له‌رزه‌ ناوچه‌ی خارپێتی باكوری كوردستانی هه‌ژاند، به‌پێی زانیارییه‌كانی ناوه‌ندی بومه‌له‌رزه‌زانی توركیا بومه‌له‌رزه‌كه‌ی ئه‌مشه‌و گوڕه‌كه‌ی 5,1 پله‌ بووه‌ به‌ پێوه‌ری رێخته‌ر و 15 كیلۆمه‌تر له‌قوڵایی زه‌ویدا روویداوه‌.

شه‌وی رابردوو بومه‌له‌رزه‌یه‌ك به‌ گوڕی 6,8 پله‌ به‌ پێوه‌ری رێخته‌ر شاری خارپێتی له‌ باكوری كوردستان هه‌ژاند و به‌هۆیه‌وه‌ تا ئێستا 29 كه‌س گیانیان له‌ ده‌ستداوه‌ و زیاتر له‌ هه‌زار و 240 كه‌سیش برینداربوون.