مه‌ودا میدیا-

بڕیاره‌ سبه‌ی دووشه‌ممه‌ حزبه‌ كوردستانییه‌كان له‌ شاری كه‌ركوك له‌سه‌ر ئاستی كه‌سی یه‌كه‌می حزبه‌كان كۆببنه‌وه‌ به‌ مه‌به‌ستی خستنه‌ رووی دۆخی ئێستای كه‌ركوك و ئه‌و كێشه‌ و گیروگرفتانه‌ی رووبه‌ڕووی كورد بووه‌ته‌وه‌ له‌و شاره‌.

رێباز سابیر، به‌رپرسی مه‌ڵبه‌ندی كه‌ركوكی كۆمه‌ڵی ئیسلامی به‌ مه‌ودا میدیای راگه‌یاند "به‌پێی ئه‌و به‌رنامه‌یه‌ی دانراوه‌ بڕیاره‌ی سبه‌ی دووشه‌ممه‌ كاتژمێر 11ی نیوه‌ڕۆ حزبه‌ كوردستانییه‌كان له‌ شاری كه‌ركوك كۆببینه‌وه‌، به‌ مه‌به‌ستی گفتوگۆكردن له‌باره‌ی ئه‌و كێشه‌ و گیر و گرفتانه‌ی رووبه‌ڕووی كورد بووه‌ته‌وه‌ له‌ شاره‌كه‌دا".

به‌رپرسی مه‌ڵبه‌ندی كه‌ركوكی كۆمه‌ڵی ئیسلامی وتی "گه‌وره‌ترین كێشه‌ی كورد ئه‌وه‌یه‌ كه‌ ئێستا كورد له‌ به‌ڕێوه‌بردنی كه‌ركوكدا هیچ رۆڵێكی نیه‌ به‌شی زۆری ئه‌و دام و ده‌زگایانه‌ی لێ‌ سه‌نراوه‌ كه‌ به‌ڕێوه‌ی ده‌ربردن، وه‌ نه‌بوونی هێزی پێشمه‌رگه‌ كێشه‌ی زۆری بۆ كورد له‌ كه‌ركوك دروست كردووه‌".