مەودا میدیا-

پاش ئەوەی رۆژی شەممە 3ی نیسانی 2021، ژمارەیەک بەرپرسی باڵا و کەسایەتی نێو خێزانی شاهانەی ئەردەن بە تۆمەتی کودەتا دەستگیرکران، ئەمەریکا پشتگیری خۆی بۆ شا عەبدوڵڵای پاشای ئەردەن دەربڕی.

وەزارەتی دەرەوەی ئەمەریکا، لە راگەیەندراوێکدا ئاشکرایکرد "پاشای ئەردەن هاوبەشێکی سەرەکی ئەمەریکایە و ئێمە پشتگیری تەواوی لێدەکەین".

سەرچاوەکانی هەواڵ، لەسەر زاری ژمارەیەک بەرپرسی ئەمنی ئەردەن، بڵاویانکردەوە "ئێوارەی رۆژی شەممە، 20 بەرپرسی باڵا و کەسایەتیی خێزانی شاهانەی ئەردەن لەلایەن هێزە ئەمنییەکانەوە، بەتۆمەتی کودەتا دەستگیرکراون و لێکۆڵینەوە لەگەڵیاندا بەردەوامە".

ه.ع