مه‌ودا میدیا-

به‌ڕێوه‌به‌ری گشتیى ته‌ندروستیى سلێمانى ئاشكرایكرد، له‌ ئێستادا پێویست ناكات قه‌ده‌غه‌ى هاتوچۆ رابگه‌یه‌ندرێت، به‌ڵام ئه‌گه‌ر ژماره‌ی توشبووان زیاتر بێت  قه‌ده‌غه‌ راده‌گه‌یه‌ندرێت.

د.سه‌باح هه‌ورامى، به‌ڕێوه‌به‌ری گشتیى ته‌ندروستیی سلێمانى، له‌ لاپه‌ڕه‌ى تایبه‌تى خۆى له‌ تۆڕى كۆمه‌ڵایه‌تیى فه‌یسبوك رایگه‌یاند "له‌ ئێستادا دۆخه‌كه‌ به‌و شێوه‌یه‌ نییه‌ كه‌ پێویست بكات قه‌ده‌غه‌ی هاتوچۆ رابگه‌یه‌ندرێت، به‌ڵام ئه‌گه‌ر ژماره‌ی توشبووان زیاتر بێت به‌ دڵنیاییه‌وه‌ قه‌ده‌غه‌ی گشتیی هاتوچۆ راده‌گه‌یه‌ندرێت".

له‌دواى جه‌ژنى نه‌ورۆزه‌وه‌ ژماره‌ى توشبوون و مردنی هاوڵاتییان به‌ كۆرۆنا له‌ هه‌رێمى كوردستان به‌شێوه‌یه‌كى به‌رچاو رووى له‌ به‌رزبوونه‌وه‌كردووه‌، له‌ ماوه‌ى رۆژانى رابردووشدا چه‌ندین بڕیار و رێنمایی نوێ به ‌مه‌به‌ستى خۆپارێزى ده‌ركراوه‌.

هـ.ع