مەودا میدیا-

بەڕێوەبەری کشتوکاڵی خانەقین ئاشکرایکرد، زیاتر لە 400 هەزار دۆنم زەوی کشتوکاڵی بەهۆی کەم بارانییەوە لەناوچووە.

کامەران عەبدوڵڵا، بەڕێوەبەری گشتیی کشتوکاڵی خانەقین، بە شەفەق نیوزی راگەیاند "نزیکەی 200 هەزار دۆنم زەوی کشتوکاڵی لە خانەقین و 240 هەزار دۆنم زەوی کشتوکاڵی لە ناحیەی مەیدان و قۆرەتوو، بەهۆی کەمبارانی ئەم زستانە لەناوچوون".

راشیگەیاند "لە خانەقین 60 هەزار دۆنم زەوی پشت به ئاوی رووبارەکان دەبەستێت و ئەو بەشەکەی تریشی کە دەمێنێتەوە پشت بە ئاوی باران دەبەستێت".

ئەمساڵ لە بەشێکی هەرێمی کوردستان و عیراق، بەهۆی وشکەساڵی و کەم بارانییەوە بەشێکی زۆری جوتیاران زیانیان بەرکەوت.

ه.ع