مەودا میدیا- 

وەزیری ناوخۆی حکومەتی هەرێمی کوردستان رایدەگەیەنێت ئەمڕۆ لیژنەی باڵای رووبەڕووبوونەوەی کۆرۆنا کۆدەبێتەوە و بڕیاری نوێ دەدات، ئاماژە بەوەشدەکات له‌ هه‌ندێك سنوور ئۆتۆمبێلی قاچاخ داخڵكراوه.

رێبەر ئەحمەد، وەزیری ناوخۆی حکومەتی هەرێمی کوردستان لە کۆنگرەیەکی رۆژنامەوانیدا لەبارەی قەدەغەی هاتوچۆوە رایگەیاند "ئه‌مڕۆ یه‌كشه‌ممه‌ 11ی نیسان 2021 كۆبوونه‌وه‌ی لیژنه‌ی باڵای به‌ره‌نگاربوونه‌وه‌ی كۆرۆنا ده‌كرێت، هەروەها قەدەغەی هاتوچۆ لە هەرێمی کوردستان وەک ئێستا نامێنێت بەهۆی مانگی رەمەزانەوە".

ئاماژەی بەوەشکرد "له‌ هه‌ندێك سنوور ئۆتۆمبێلی قاچاخ داخڵكراوه‌ و ناتوانن وه‌ك وه‌زاره‌تی ناوخۆ شه‌رعیه‌ت به‌و قاچاخچییه‌ بده‌ن و رێكاری توندتر ده‌گرینەبەر، هەروەها ئێمە کەسانێکی زۆرمان دەستیگرکردووە کە بازرگانیان بە ڤیزای شنگنەوە کردووە".

س.س