مەودا میدیا- سازگار ئەحمەد

نزیکەی مانگێکە نرخی مریشک لە بازاڕەکانی هەرێمی کوردستان بەرزبووەتەوە و ئەمەش نیگەرانی هاوڵاتییانی بە دوای خۆیدا هێناوە، لەبارەی دابەزینی نرخی مریشک لە مانگی رەمەزاندا جێگری سەرۆكی كۆمەڵەی كێڵگە پەلەوەرییەكانی سلێمانی رایدەگەیەنێت تاوەکو 10ی رەمەزان نرخی مریشک بە بەرزی دەمێنێتەوە.

نازم عەبدوڵڵا، جێگری سەرۆكی كۆمەڵەی كێڵگە پەلەوەرییەكانی سلێمانی بە مەودا میدیای راگەیاند "تاوەکو 10ی رەمەزان نرخی مریشک بەرزی و نزمی دەکات، لە دوای ئەو کاتەوە مریشک لەناو پرۆژەکاندا زۆر دەبێتەوە، ئەمەش وادەکات نرخی مریشک دابەزێتەوە".

جێگری سەرۆكی كۆمەڵەی كێڵگە پەلەوەرییەكانی سلێمانی ئاماژەی بەوەشکرد "نرخی مریشک بۆ ئەمڕۆ بە چەند نرخێکی جیاواز فرۆشراوە بەرزیترین نرخ 3800 دینار بووە بۆ یەک کیلۆ مریشک".

س.س