مه‌ودا میدیا-

سه‌رۆكی هه‌رێمی كوردستان له‌ میانه‌ی به‌شداری له‌ رێوڕه‌سمی خه‌ڵاتكردنی براوه‌كانی فێستیڤاڵی كورته‌ فیلمی(به‌ره‌وپێشه‌وه‌)له‌ وتارێكدا باسی له‌وه‌كرد ئه‌وه‌ی ئه‌مڕۆ له‌ به‌غدا و شاره‌كانی تری عیراق ده‌گوزه‌رێت ئه‌م جیله‌ گه‌نجه‌ن كه‌ به‌هیواوه‌ سه‌یری ئایینده‌ ده‌كه‌ن.

نێچیرڤان بارزانی، سه‌رۆكی هه‌رێمی كوردستان له‌ رێوڕه‌سمی خه‌ڵاتكردنی براوه‌كانی فێستیڤاڵی كورته‌ فیلمی(به‌ره‌وپێشه‌وه‌) وتارێكی پێشكه‌ش كرد و له‌ وتاره‌كه‌یدا وتی "ئه‌وه‌ی له‌هه‌مووی گرنگتره‌ ئه‌وه‌یه‌ گه‌لی عیراق و گه‌لی سووریا روویان له‌ ئایینده‌یه‌، رابردوویه‌كی ناخۆشیان بووه‌، ئه‌وه‌ی ده‌رده‌كه‌وێت گه‌نجه‌كانی ئێمه‌ روویان له‌ ئایینده‌یه‌".

سه‌رۆكی هه‌رێمی كوردستان وتی "ئه‌وه‌ی ئه‌مڕۆ له‌ به‌غدا و شاره‌كانی تر ده‌گوزه‌رێت هه‌مووی ئه‌م جیله‌ گه‌نجه‌ن كه‌ به‌ هیواوه‌ سه‌یری ئایینده‌ ده‌كه‌ن، به‌ڕاستیش خه‌ڵكی عیراق و خه‌ڵكی سووریا شایسته‌ی ئه‌وه‌ن ژیانێكی باشتریان هه‌بێت".

فێستیڤاڵی كورته‌ فیلمی(به‌ره‌وپێشه‌وه‌)به‌رنامه‌ی نه‌ته‌وه‌یه‌كگرتووه‌كان بۆ په‌ره‌پێدان به‌ هاوبه‌شی له‌گه‌ڵ به‌رنامه‌ی نه‌ته‌وه‌یه‌كگرتووه‌كان بۆ نیشته‌جێ مرۆییه‌كان رێكی خستبوو.