مه‌ودا میدیا-

له‌ گه‌ڕه‌كی جووتیاران له‌ قه‌زای كه‌لار مێردمنداڵێك كۆتایی به‌ژیانی خۆی هێنا، به‌وته‌ی كه‌سوكاره‌كه‌ی به‌هۆی ده‌رنه‌چوونی له‌ خوێندن خۆی كوشتووه‌.

به‌شی راگه‌یاندنی پۆلیسی گه‌رمیان له‌ راگه‌یه‌نراوێكدا رایگه‌یاند "به‌یانی ئه‌مڕۆ سێشه‌ممه‌ 28ی كانونی دووه‌می 2020 له‌ گه‌ڕه‌كی جووتیاران له‌ قه‌زای كه‌لار مێردمنداڵێك به‌ناوی(ن، و، ح) له‌ دایك بووی ساڵی 2005 له‌ماڵی خۆیان به‌ فیشه‌ك كۆتایی به‌ ژیانی خۆی هێناوه‌".

له‌ راگه‌یه‌نراوه‌كه‌ی پۆلیسی گه‌رمیاندا هاتووه‌ "به‌ وته‌ی كه‌سوكاری ناوبراو له‌ پۆلی حه‌وته‌ و به‌هۆی ده‌رنه‌چوونی له‌ خوێندن خۆی كوشتووه‌".

ئاماژه‌ به‌وه‌ش دراوه‌ "به‌مه‌به‌ستی توێكاری ته‌رمه‌كه‌ی ره‌وانه‌ی پزیشكی دادی كه‌لار كراوه‌ و پۆلیس ده‌ستی به‌ لێكۆڵینه‌وه‌ كردووه‌ له‌ رووداوه‌كه‌".