مەودا میدیا-

سەرۆکایەتیی فەرمانگەی پەیوەندییەکانی سەر بە سەرۆکایەتیی کۆماری تورکیا دواین ئاماری قوربانیانی بوومەلەرزەکەی باکوری کوردستانی بڵاوکردەوە.

سەرۆکایەتیی فەرمانگەی پەیوەندییەکانی سەر بە سەرۆکایەتیی کۆماری تورکیا رایگەیاند "تاوەکو ئێستا بەهۆی بوومەلەرزەکەی باکووری کوردستان لە خارپێت 41 کەس گیانیان لەدەستداوە و هەزار و 607 کەسیش برینداربوون".
 
سه‌رۆكایه‌تیی فه‌رمانگه‌ی په‌یوه‌ندییه‌كان ئاماژەی بەوەش کردووە "45 كه‌س له‌ژێر داروپه‌ردووه‌كان رزگاركراون و هەزار و 537 کەس لە بریندارەکان چارەسەریان وەرگرتووە و لە نەخۆشخانە دەرچوون؛ نۆ لە بریندارەکانیش له‌ژێر چاودێریی پزیشکیدان"
 
سەبارەت بە زیانە ماددیەکانەوە سەرۆکایەتیی فەرمانگەی پەیوەندییەکان ئاشکرای کردووە "چوار هەزار و 826 خانوو و باڵه‌خانه‌ زیانی سووكیان به‌ركه‌وتووه‌، 214 باڵه‌خانه‌ زیانی مامناوه‌ندییان به‌ركه‌وتووه‌، سێ هەزار و 249 باڵه‌خانه‌ زیانی زۆریان به‌ركه‌وتووه‌ و 141 خانوو و باڵه‌خانه‌ش رووخاون بەهۆی بوومەلەرزەکەوە".