مەودا میدیا-

سوپای توركیا هێزێكی زیاتری ره‌وانه‌ی ویلایه‌تی هاتای سه‌ر سنووری سوریا و به‌شێكی دیكه‌ش ره‌وانه‌ی سنووری پارێزگای ئیدلب له‌ ناو خاكی سوریا كرد.

 ئاژانسی ئه‌نادۆڵی توركی بڵاویکردووەتەوە "ئێواره‌ی ئه‌مڕۆ كاروانێكی سه‌ربازی توركیا كه‌ له‌ تانك و زریپۆش و چه‌كی قورس پێكهاتوون، گه‌یشته‌ قه‌زای ره‌یحانی له‌ ویلایه‌تی هاتای".

هاوکات روانگه‌ی سووری بۆ مافه‌كانی مرۆڤ رایگه‌یاند "شه‌وی رابردوو كاروانێكی دیكه‌ی سه‌ربازی توركیا گه‌یشتووه‌ته‌ ناو خاكی سووریا و له‌ باشووری شارۆچكه‌ی سه‌راقبی سه‌ر به‌ پارێزگای ئیدلب جێگیركراون".

رەوانەکردنی ئەم هێزانە لەلایەن تورکیاوە بۆ خاکی سوریا  ئامانج لێی زیادكردنی هێزه‌كانی تورکیایە لە سنووری سوریا.