مه‌ودا میدیا-

پۆلیسی گه‌رمیان ئاشكرای ده‌كات 5 تۆمه‌تباریان ده‌ستگیركردووه‌ كه‌ ویستوویانه‌ پاره‌ی ته‌زویر له‌ بازاڕدا ساغ بكه‌نه‌وه‌.

به‌ڕێوه‌به‌رایه‌تی پۆلیسی گه‌رمیان له‌ راگه‌یه‌نراوێكدا ئاشكرای كرد "دوای وه‌رگرتنی زانیاری ورد و چاودێری كردنیان به‌شی نه‌هێشتنی تاوانی گه‌رمیان له‌ ناحیه‌ی رزگاری سه‌ر به‌ قه‌زای كه‌لار 5 تۆمه‌تباریان ده‌ستگیركرد له‌ كاتی مامه‌ڵه‌كردن به‌ دیناری ساخته‌ی عیراقی و دۆلاری ئه‌مریكی".

له‌ به‌شێكی تری راگه‌یه‌نراوه‌كه‌دا هاتووه‌ "4 كه‌سیان ئه‌ندامی یه‌ك خێزان بوون، ویستوویانه‌ دراوه‌ ساخته‌كه‌ له‌ ناو بازاڕی ناحیه‌ی رزگاری ساغ بكه‌نه‌وه‌".

 ئه‌وه‌ش خراوه‌ته‌ ڕوو "ئێستا به‌ بڕیاری دادوه‌ر و به‌پێی ماده‌ی 281 ی یاسای سزادانی عیراقی به‌ند كراون".