مەودا میدیا-پێشکەوت حاجی

 

بەڕێوەبەری گشتیی هاتوچۆی سلێمانی ئاشکرایکرد سەرجەم تیمەکانیان لە رۆژانی جەژندا لە ئامادەباشیدا دەبن و خزمەتی هاوڵاتییان دەکەن، هەروەها قەدەغەی هاتوچۆ سنووردارنیە.

 

فەرەیدوون عومەر، بەڕێوەبەری گشتیی هاتوچۆی پارێزگای سلێمانی بە مەودا میدیای راگەیاند "سەرجەم تیمەکانمان لە سێ رۆژی جەژندا لە ئامادەباشیدا دەبن و خزمەتی هاوڵاتییان دەکەن، تیمە جێگیرەکانمان وەک هەمیشە لە ئەرکی خۆیاندا دەبن و تیمەکانی گەڕانیش بەهەمان شێوە".

 

ئاماژە بەوەشکرد "لە رۆژانی جەژندا گەشتییارێکی زۆر روو لە پارێزگای سلێمانی دەکات، هەموو رێکارێکی پێویست دەگیرێتە بەر و ئامادەکاری پێویست کراوە تا بەربەستی هاتوچۆ دروست نەبێت، هەموو کارئاسانییەک دەکرێت، هەروەها قەدەغەی هاتوچۆ سنووردا نابێت".