مەودا میدیا-

لەسەر راسپاردەی مەسرور بارزانی، سەرۆکی حکومەتی هەرێمی کوردستان وەزیری تەندروستی و بەڕێوەبەری گشتیی تەندروستیی سلێمانی سەردانی نەخۆشخانەی هیوایان کرد لە شاری سلێمانی.

ئێوارەی ئەمڕۆ شەممە 19ی حوزەیرانی 2021  د. سامان بەرزنجی، وەزیری تەندروستیی حکومەتی هەرێمی کوردستان و د. سەباح هەورامی، بەڕێوەبەری گشتیی تەندروستیی سلێمانی سەردانی نەخۆشخانەی هیوایان کرد لە شاری سلێمانی وەزیری تەندروستی لە کۆنگرەیەکی رۆژنامەوانیدا رایگەیاند "دەنگۆی داخستن یان بەتایبەتکردنی نەخۆشخانەی هیوا دورە لەراستییەوە و حکومەت بڕیاریداوە لەدابینکردنی سەرجەم پێداویستییەکانی نەخۆشخانەکە بەردەوام بێت".

ئاماژەی بەوەشکرد "حکومەتی هەرێمی کوردستان بڕیاریداوە مانگانە نزیکەی ملیارێک دینار بۆ نەخۆشخانەکانی شێرپەنجە و تالاسیما تەرخان بکات کە زۆرینەی بۆ نەخۆشخانەی هیوا دەبێت لە شاری سلێمانی".

س.س