مەودا میدیا- سازگار ئەحمەد

ئێوارەی ئەمڕۆ لە قەزای چەمچەماڵ کچێکی تەمەن پێنج ساڵان ئۆتۆمبێل لێی دەدات و بەهۆی سەختی برینەکەیەوە رەوانەی نەخۆشخانەی شار کرا لە سلێمانی.

شەریف رەحیم، جێگری بەڕێوەبەری تەندروستیی چەمچەماڵ بە مەودا میدیای راگەیاند "بەڕێوەبەری سەنتەری فریاکەوتنی چەمچەماڵ  پێیڕاگەیاندنین ، ئێوارەی ئەمڕۆ شەممە 26ی حوزەیرانی 2021 منداڵێکیان گەیاندە سەنتەری فریاکەوتنی چەمچەماڵ ،کە کچێکی تەمەن ٥ ساڵە و ئۆتۆمبێل لێیداوە و برینداربووە".

ئاماژەی بەوەشکرد "دوای ئەنجامدانی فریاگوزارییە سەرەتاییەکان، دواتر بەهۆی سەختی برینەکەیەوە رەوانەی نەخۆشخانەی شار کرا لە سلێمانی".

س.س