مەودا میدیا-

 

قایمقامییەتی سلێمانی بەهۆی پابەندنەبوون بە مەرج و رێنماییە تەندروستییەکان، چێشتخانە و کەبابی نازناز لە سەرای شاری سلێمانی داخست.

 

 لە راگەیەندراوێکدا قایمقامییەتی سلێمانی ئاماژە بۆ ئەوە دەکات، بەهۆی پابەندنەبوون بەمەرجەکانی تەندروستی و ڤێتێرنەری و رێنماییەکانی دیکەی کارکردن، لیژنە هاوبەشەکانی قائیمقامیەتی سلێمانی چێشتخانە و کەبابی نازناز لە سەرای شاری سلێمانی دادەخات.

 

ئاماژەی بۆ ئەوەشکردووە، بەهاوکاری هێزە ئەمنییەکان و بەڕێوەبەرایەتیی ئاسایش و فەرمانگە خزمەتگوزارییەکانی دیکەی سلێمانی، لە رۆژانی جەژنی قوربانی پیرۆزدا هەڵەمەتی لیژنە هاوبەشەکانی قایمقامییەتی سلێمانی بەردەوام دەبێت و سەرپێچیکاران رووبەڕووی رێکاری یاسایی دەکاتەوە.

 

 لە راگەیەندراوەکەدا لیژنەکانی قایمقامییەت داوا لە هاوڵاتییان دەکات، له‌ كاتی هه‌بوونی سكاڵا یان پێدانی زانیاری به‌ قایمقامییه‌تی سلێمانی و لیژنه‌ هاوبه‌شه‌كان، په‌یوه‌ندی به‌ مۆبایلی ژماره‌ (07708677777)ـه‌وه‌ بكه‌ن. 

 
ر.ر