مەودا میدیا-

فیلمی سینەمایی (زاڵاوا) لە دەرھێنانی سینەماکاری کورد ئەرسەلان ئەمیری خەڵاتی گەورەی ھەفتەی رەخنەگران و خەڵاتی رەخنەگرانی نێودەوڵەتی فیلم واتە (فیپێڕشی) لە سی و شەشەمین خولی (ھەفتەی رەخنەگران)ی (ڤێنس) بەدەستھێنا.

رێوڕەسمی کۆتایی بەشی پێشبڕکێی سی و شەشەمین خولی ھەفتەی رەخنەگران (Critics' Week) لە حەفتا و ھەشتەمین خولی فێستیڤاڵی نێودەوڵەتی فیلمی ڤێنس (Venice) بە ئامادەبوونی ھەندێک لە ستافی سەرەکی فیلمی سینەمایی (زاڵاوا) لەوانە (ئەرسەلان ئەمیری دەرھێنەر، سەمیرا بەرادەری و روحوڵڵا برادەری بەرھەمھێنانی ئەم فیلمە، ئایدا پەناھەندە یەکێک لە سیناریۆنووسان، نەوید پوورفەرەج، پووریا رەحیمی سام و ھودا زەینوالعابدین ئەکتەرانی ئەم بەرھەمە کوردییە، کاتژمێر شەشی ئێوارێی شەوی ھەینی رابردوو 10ی سێپتەمبەری 2021 بە کاتی ئەورووپا لە شاری ڤێنس لە وڵاتی ئیتالیا بەڕێوەچوو و ئەم فیلمە کوردییە توانی بە سەرکەوتووییەوە خەڵاتی گەورەی (ھەفتەی rەخنەگران) و ‌ھەروەھا خەڵاتی (rەخنەگرانی نێودەوڵەتی فیلم (فیپێڕشی) "FIPRESCI" واتە فیدڕاسیۆنی نێودەوڵەتی رەخنەگرانی فیلم بەدەستبێنێت. 

فیلمی سینەمایی (زاڵاوا) Zalava لە یەکەمین نمایشی جیھانی لە سێ چانسی جیاوازدا چووە سەر پەردەی سینەماکان و لەلایەن بینەرانی ئەم فێستیڤاڵەوە گرنگی پێدرا و ھەروەھا لەلایەن رەخنەگرانی سینەماییەوە پێشوازییەکی بێوێنەی لێکرا، کە بۆ بەدەستھێنانی خەڵاتی گەورەی (ھەفتەی رەخنەگران) لەگەڵ شەش فیلمی سینەمایی لە وڵاتانی جۆراوجۆری جیھان لە رکابەرییدابوو.

ر. ر