مەودا میدیا-

بەڕێوەبەرایەتیی پۆلیسی گەرمیان رایگەیاند، گەنجێکی تەمەن 23 ساڵ لەکاتی کارکردندا لە ماڵەوە کارەبا گرتوویەتی و بەهۆیەوە گیانیلەدەستداوە.

ئەمڕۆ دووشەممە هەشتی تشرینی دووەمی 2021 بەڕێوەبەرایەتیی پۆلیسی گەرمیان رایگەیاند "بەیانی ئەمڕۆ تەرمی هاوڵاتییەک بەناوی ئەحمەد بورهان لەدایکبووی 1988گەیەندرایە بەشی فریاکەوتنی شەهید هەژار لە کەلار، بە وتەی کەسوکارەکەی ناوبراو لەکاتی کارکردندا لە ماڵی خۆیان کارەبا گرتوویەتی و لە ئەنجامدا گیانی لەدەستداوە".

ئەوەشی خستووتەڕوو "هاوڵاتییەکە خەڵکی گوندی گاکوڵی سەر بە ناحیەی قۆرەتووە، لە ئێستادا تەرمەکەی رەوانەی پزیشکی دادوەری قەزای کەلار کراوە و پۆلیسیش دەستی بە لێکۆڵینەوە لە رووداوەکە کردووە".

ر. ب