مەودا میدیا-

بڕیارە سبەی ئەنجومەنی وەزیرانی هەرێمی کوردستان سەبارەت بە هەنگاوەکانی جێبەجێکردنی یاسای چاکسازی کۆبێتەوە.

بڕیارە سبەی چوارشەممە 12ی شوباتی 2020 بە سەرپەرشتی مەسرور بارزانی سەرۆک وەزیرانی هەرێمی کوردستان و ئامادەبوونی قوباد تاڵەبانی جێگری سەرۆک وەزیران، کۆبوونەوەی ئاسایی خۆی ئەنجام بدات.

بەپێی زانیارییەکان، تەوەری سەرەکی کۆبوونەوەکەش گفتوگۆکردنە دەربارەی هەنگاوەکانی جێبەجێکردنی یاسای چاکسازی کە رۆژی 4ی شوبات سەرۆکی هەرێمی کوردستان واژووی لەسەر کرد و پەسەندیکرد.