مەودا میدیا-

لەماوەی 45 رۆژی ساڵی 2020 تا ئێستا ئەوەی ئاشكرا بووە تائێستا 8 هاوڵاتی كورد لەلایەن كۆماری ئیسلامی ئیرانەوە لەسێدارەدراون.

لە ماوەی ئەمساڵدا سزای لەسێدارەدان بۆ 8 زیندانی كوردی ئیران لە زیندانی رەجایی شاری كەرەج دەرچووە و ئەو سزایانەش جێبەجێكراون.

بەپێی هەواڵی سایتە كوردیەكانی ئیران ئەوانەی سزای لەسێدارەدانیان بەسەردا سەپێنراوە تاوانەكەیان كوشتنی بەئەنقەستبووە.

هەروەها پێناسی دوان لەو لەسێدارەدراوانە ئاشكرا بووە بە ناوەكانی حسێن غولامی تەمەن 28 ساڵ و سامان دۆستی تەمەن 30 ساڵ و هەر یەكەیان ماوەی سێ ساڵ لە زیندانی رەجایی كەرەج بوون.