مەودا میدیا-

ئەمڕۆ حکومەتی هەرێمی کوردستان ناوی مامۆستایانی گرێبەستی بەنوسراوی فەرمی رەوانەی وەزارەتی دارایی کرد بەمەبەستی دامەزراندنیان.

د. ئامانج رەحیم، سكرتێری ئەنجوومەنی وەزیرانی هەرێمی کوردستان لە لاپەڕەی تایبەتی خۆی لە فەیسبووك رایگەیاندووە "ئەمڕۆ ناوی مامۆستایانی گرێبەست بە نووسراوی سەرۆكایەتی ئەنجومەنی وەزیران ژمارە 1669 لە 20ی شوباتی 2020 ئاڕاستەی (وەزارەتی دارایی وئابووری/ ب.گ بوودجە_ میلاك) كرا بۆ دەستپێكردنی مامەڵەی كۆتایی دامەزراندنتان و دەستبەكاربوونی فیعلییان لەبەر ڕۆشنایی بڕیاری ئەنجومەنی وەزیران ژمارە 34 لە ڕۆژی 24_12_2019".

ئەمەش لە دوای سێ مانگ چاوەڕوانی لە مامۆستایانی گرێبەست دێت بۆ دامەزراندنی هەمیشەییان لە کۆتایدا ئەمڕۆ حکومەتی هەرێمی کوردستان بڕیاری بەهەمیشەیی کردنیانیدا.