مەودا میدیا-

سەرۆكی حكومەتی هەرێمی كوردستان بڕیاریدا بەزووترین كات دەست بە دروستكردنی شەقامی 100 مەترسی سلێمانی بكرێت.

نوسینگەكەی مەسرور بارزانی سەرۆكی حكومەتی هەرێمی كوردستان لە راگەیەندراوێكدا باسی لەوەكردووە "دوای ئەوەی لیژنەی تەكنیكی پێداچوونەوەیان بە پرۆژە ستراتیژییەكانى هەرێمی كوردستان كردووە لە ناویاندا پرۆژەی شەقامی 100 مەتری سلێمانی پێداچوونەوەی تەواو بووە".

ئاماژە بەوەشكراوە "لەئێستادا پرۆژەی 100 مەتری سلێمانی بە هەمان شێوە و دیزاینی خۆی بڕیاری لەسەردراوە لەلایەن سەرۆكی حكومەتی هەرێمی كوردستان و دوای ئاسایی بوونەوەی كەشوهەوا دەست بە كارەكانى دەكرێت".