مەودا میدیا- سازگار ئەحمەد

کەمێک پێش ئێستا لە کۆبوونەوەی ئەنجومەنی سەرکردایەتیی یەکێتیی نیشتیمانیی کوردستان سەرجەم ماددەکانی پەیڕەوی ناوخۆی یەکێتی پەسەندکرا.

رابیحە حەمەد، ئەندامی ئەنجومەنی سەرکردایەتیی یەکێتیی نیشتیمانیی کوردستان بە مەودا میدیای راگەیاند "لە کۆبوونەوەی ئەمڕۆی ئەنجومەنی سەرکردایەتی سەرجەم ماددەکانی پەیڕەوی ناوخۆی یەکێتی پەسەندکرا کە 77 ماددەبوو".

ئاماژەی بەوەشکرد "کۆبوونەوەکانی ئەنجومەنی سەرکردایەتیی یەکێتی بەردەوام دەبێت و رۆژی یەکشەممە ئەنجومەنەکە کۆدەبێتەوە".

ئەمەش دوای ئەوە دێت، ئەنجومەنی سەرکردایەتی یەکێتی بەمەستی گفتوگۆکردن و پەسەندکردنی پەیڕەوی ناوخۆی حزبەکەی چەندین کۆبوونەوەی ئەنجام داوە و ئەمڕۆش سەرجەم ماددەکانی پەیڕەوەکە لەلایەن ئەندامانی ئەنجومەنکەوە پەسەندکرا.