کوردستانی
پارێزگاری سلێمانی سەبارەت بە جێبەجێکردنی پرۆژەی شەقامی 100 مەتری راگەیاندراوێکی بڵاوکردەوە
مەودا میدیا - سلێمانی |
مەودا میدیا-
پارێزگاری سلێمانی سەبارەت بە بڕیاری مەسرور بارزانی، سەرۆکی حکومەتی هەرێمی کوردستان بۆ جێبەجێکردنی پرۆژەی شەقامی 100 مەتری شاری سلێمانی راگەیاندراوێکی بڵاوکردەوە و سوپاسی سەرۆکی حکومەتی کرد.
هەڤاڵ ئەبوبەکر، پارێزگاری سلێمانی لە راگەیاندراوێکی بڵاوکردەوە و رایگەیاند "دوای راگەیاندنی رەزامەندیی بەڕێز سەرۆک وەزیرانی هەرێمی کوردستان لەسەر پڕۆژەی شەقامی سەد مەتری سلێمانی، بەناوی پارێزگای سلێمانییەوە؛ سوپاسی هیممەت و پشوودرێژیی خەڵکی جوامێری پارێزگاکەمان و، بڕیاری بەڕێز سەرۆکی ئەنجوومەنی وەزیرانی هەرێمی کوردستان و، هەوڵەکانی بەڕێزان سەرۆکی پێشووی ئەنجوومەنی وەزیران و جێگری سەرۆکی ئەنجوومەنی وەزیران و وەزیرانی شارەوانی و دارایی و پلاندانان و ئاوەدانکردنەوە (لە هەردوو کابینەی ئێستا و پێشووی حکومەتی هەرێمی کوردستان)و، لیژنەی باڵای پێداچوونەوەی پڕۆژە ستراتیژییەکانی ئەنجوومەنی وەزیران و، پارێزگای سلێمانی و ئەنجوومەنی پارێزگای سلێمانی و سەرۆکایەتی شارەوانی سلێمانی و بۆردی سەرپەرشتیکردنی شەقامی سەد مەتری و هەموو ئەو دڵسۆزانەی لە دوو ساڵی ڕابردوودا پشتیوانی پارێزگاری سلێمانی بوون بۆئەوەی ئەم پڕۆژەیە لە بەڵێنەوە ببێتە بڕیارو پڕۆژەی جێبەجێکردن، دەکەین".
ئاماژەی بەوەشکردووە "چاودێر و چاوەڕوانین، گروپی کۆمپانیاکانی قەیوان، وەک لە راگەیاندراوەکەیاندا هاتووە، بەشێوەیەکی شیاو و شایستە ئەم پڕۆژە ستراتیژییە نیشتمانییە بە کات و کوالێتی خۆی جێبەجێ بکەن".
لە کۆتایی راگەیاندراوەکەشدا هاتووە "ئومێد دەکەین بە هیممەت و هەوڵی هەموو لایەک، پڕۆژەکان بخرێنەوە سەرپێی خۆیان و لەگەڵ دەستکردن بە جێبەجێکردنی قۆناغی یەکەمی پڕۆژەی سەد مەتریدا، کاری پێویست بۆ قۆناغەکانی تری پڕۆژەکەش بکرێت، تەریب لەگەڵ ئەم پڕۆژەیەدا؛ پڕۆژەی ئەندەرپاسەکانی سلێمانی و بەنداوی چەق چەق تەواو بکرێن و، پڕۆژەی بەنداوی خێوەتە لە نزیکترین کاتدا جێبەجێ بکرێت".
پارێزگاری سلێمانی سەبارەت بە بڕیاری مەسرور بارزانی، سەرۆکی حکومەتی هەرێمی کوردستان بۆ جێبەجێکردنی پرۆژەی شەقامی 100 مەتری شاری سلێمانی راگەیاندراوێکی بڵاوکردەوە و سوپاسی سەرۆکی حکومەتی کرد.
هەڤاڵ ئەبوبەکر، پارێزگاری سلێمانی لە راگەیاندراوێکی بڵاوکردەوە و رایگەیاند "دوای راگەیاندنی رەزامەندیی بەڕێز سەرۆک وەزیرانی هەرێمی کوردستان لەسەر پڕۆژەی شەقامی سەد مەتری سلێمانی، بەناوی پارێزگای سلێمانییەوە؛ سوپاسی هیممەت و پشوودرێژیی خەڵکی جوامێری پارێزگاکەمان و، بڕیاری بەڕێز سەرۆکی ئەنجوومەنی وەزیرانی هەرێمی کوردستان و، هەوڵەکانی بەڕێزان سەرۆکی پێشووی ئەنجوومەنی وەزیران و جێگری سەرۆکی ئەنجوومەنی وەزیران و وەزیرانی شارەوانی و دارایی و پلاندانان و ئاوەدانکردنەوە (لە هەردوو کابینەی ئێستا و پێشووی حکومەتی هەرێمی کوردستان)و، لیژنەی باڵای پێداچوونەوەی پڕۆژە ستراتیژییەکانی ئەنجوومەنی وەزیران و، پارێزگای سلێمانی و ئەنجوومەنی پارێزگای سلێمانی و سەرۆکایەتی شارەوانی سلێمانی و بۆردی سەرپەرشتیکردنی شەقامی سەد مەتری و هەموو ئەو دڵسۆزانەی لە دوو ساڵی ڕابردوودا پشتیوانی پارێزگاری سلێمانی بوون بۆئەوەی ئەم پڕۆژەیە لە بەڵێنەوە ببێتە بڕیارو پڕۆژەی جێبەجێکردن، دەکەین".
ئاماژەی بەوەشکردووە "چاودێر و چاوەڕوانین، گروپی کۆمپانیاکانی قەیوان، وەک لە راگەیاندراوەکەیاندا هاتووە، بەشێوەیەکی شیاو و شایستە ئەم پڕۆژە ستراتیژییە نیشتمانییە بە کات و کوالێتی خۆی جێبەجێ بکەن".
لە کۆتایی راگەیاندراوەکەشدا هاتووە "ئومێد دەکەین بە هیممەت و هەوڵی هەموو لایەک، پڕۆژەکان بخرێنەوە سەرپێی خۆیان و لەگەڵ دەستکردن بە جێبەجێکردنی قۆناغی یەکەمی پڕۆژەی سەد مەتریدا، کاری پێویست بۆ قۆناغەکانی تری پڕۆژەکەش بکرێت، تەریب لەگەڵ ئەم پڕۆژەیەدا؛ پڕۆژەی ئەندەرپاسەکانی سلێمانی و بەنداوی چەق چەق تەواو بکرێن و، پڕۆژەی بەنداوی خێوەتە لە نزیکترین کاتدا جێبەجێ بکرێت".
بیروڕا
