مەودا میدیا- سازگار ئەحمەد

شەوی رابردوو لە  قەزای سمێڵی سەر بەپارێزگای دهۆک بە هۆی شۆڕتی کارەباوە ماڵێک سوتا  و بەهۆی ئاگرەکەوە خوشک و برایەک گیانیان لەدەستدا.

بێوار عەبدولعەزیز، وتەبێژی پۆلیسی بەرگری شارستانی دهۆک بە مەودا میدیای راگەیاند "شەوی رابردوو لە گوندی شاریای کۆن  سەر بە قەزای سمێڵ ماڵێک بەهۆی شۆڕتی کارەباوە سوتا".

ئاماژەی بەوەشکرد "بەهۆی ئاگرەکەوە خوشک و برایەک سوتان و گیانیان لەدەستدا کە تەمەنیان بچوکە، هەروەها مەڵەکەیان بە تەواوەتی سوتاوە".

بەپێی زانیارییەکانی مەودا میدیا، ئەو دوو منداڵە ناویان "ئایلین و ئەلەند فلیت"ە  و  ئاوارەی ئێزیدین.