گشتی

چۆن لە بومەلەرزەدا، خۆت و خێزانت دەپارێزی؟

مەودا میدیا - سلێمانی |


چۆن لە بومەلەرزەدا، خۆت و خێزانت دەپارێزی؟
مەودا میدیا-

لەكاتی روودانی بومەلەرزەدا، ئەم ئامۆژگارییانە لەبەرچاو بگرە و بە خێزانەكەت و دەوورووبەرەكەت رابگەیەنە لەپێناو پاراستنی سەلامەتییاندا:

1- ئەگەر لە ماڵەوەی:
 
- خوێنساردی خۆت بپارێزە، هەرگیز رامەكە، بەڵكو شوێنێكی پارێزراو هەڵببژێرە، بە دەستیش دەموچاو و سەرت بپارێزە.

-بچۆ سوچی خانووەكان چونكە پارێزراوترن، یان بچۆ ژێر مێزێكی پتە و تا لە مەترسی بتپارێزێ.

-هەوڵبدە دەستبەجێ كارەبای گشتی ماڵەكەت بكوژێنیتەوە لەبەر شۆرتی كارەبا.

- ئەگەر كاتەكەی شەو بوو، ئەوا بە بەتانی و دۆشەك سەر و دەموچاوت بپارێزە.

- بەڵگەنامە گرنگەكان (وەك ناسنامە، بروانامەی خوێندن و...) لە جانتای باش و پارێزراودا هەڵبگرە.

2- لەكاتی شۆفێری:
 

-دەستبەجێ ئۆتۆمبێلەكەت لای راست رابگرە، گوێ لە رادیۆ بگرە بۆ رێنمایی و ئاگاداری.

3- ئەگەر لە كۆڵان و شەقامە گشتییەكانی:

-خۆت لە باڵەخانە و تاوەری كارەبا و شتی مەترسیدار بپارێزە. بەهیچ چەشنێ بەشێوەی كۆمەڵ لەگەڵ خەڵكدا كۆمەبنەوە.

4- ئەگەر لەكاتی دەوامدای یان لەنێو باڵەخانی گەورەكانی:

-دەستبەجێ لە باڵەخانە گەورەكان دووربكەوەرەوە. بەتایبەت ئەو شوێنانەی شوشە و بەرد و بلۆكی لێ دەكەوێتە خوارەوە.

5- ئەگەر مەترسی دووبارەبوونەوەی بومەلەرزە لە ئارادایە:
 

-پێویستە جانتایەكی فریاگوزاری خێرات هەبێ كە ئەم پێداویستیانەی تێدا بێت (لایت، رادیۆ، پلایس، چەكوش، حەبل) و (پێداویستی پزیشكی و داودەرمان) و ئاوی خواردنەوە و خۆراكی و شككراو.

- خۆت لە بڵاوكردنەوەی واتەوات و هەواڵی درۆ بەدوور بگرە تا خەڵك نەشڵەژێ.

- بەپێی پێویست، هاریكاری تیمەكانی فریاگوزاری بكە.

ئەم بابەتە لەلایەن  د. كارزان محەمەد وەرگێڕدراوە.