مەودا میدیا-

نووسینگەی میدیایی جێگری سەرۆکی هەرێم له‌ روونكردنه‌وه‌یه‌كدا رایگه‌یاند، ئەو هەواڵەی کە ئەمڕۆ لە کۆمەڵێک پەیجی ناو فەیسبوک بڵاوکراوەتەوە، کە خانوەکەی جەعفەر شێخ مستەفا، جێگری سەرۆکی هەرێم کارەبای سەرپێچی راکێشاوە و لەلایەن تیمەکانی بڕینی کارەبای سەرپێچیەوە کارەباکەیان بڕدراوە "دورە لە راستییەوە و هیچ پەیوەندیەکی بە بەڕێزیانەوە نییە".

ئەمڕۆ نووسینگەی میدیایی جەعفەر شێخ مستەفا، جێگری سەرۆکی هەرێمی کوردستان روونکردنەوەیەکی بڵاوکردەوە و تێیدا هاتووە "بەپێی روونکرنەوەیەک لە قایقامییەتی قەزای ناوەندی هەولێرەوە، ئەو هەواڵەی کە ئەمڕۆ لە کۆمەڵێک پەیجی ناو فەیسبوک بڵاوکراوەتەوە، کە خانوەکەی شێخ جەعفەر شێخ مستەفا، جێگری سەرۆکی هەرێم کارەبای سەرپێچی راکێشاوە و لەلایەن تیمەکانی بڕینی کارەبای سەرپێچیەوە کارەباکەیان بڕدراوە دورە لە راستییەوە و هیچ پەیوەندیەکی بە بەڕێزیانەوە نییە". 

ئاماژه‌ی به‌وه‌شكردووه‌ "خانوەکان سەر بە وەزارەتی پێشمەرگەن، بۆیە ئێمە سەرلەبەری ئەو تۆمەتانە رەتدەکەینەوە و جێگری سەرۆک لە ساڵی (2014)ەوە لەم خانوانە بەرپرسیار نییە، بەڵکو سەر بەوەزارەتی پێشمەرگەن".

ئەمڕۆ ژمارەیەك خانوو لەلایەن تیمەکانی بڕینی کارەبای سەرپێچییەوە لە شاری هەولێر کارەباکەیان بڕدرا، لە بەشێك لە تۆڕە كۆمەڵایەتییەكاندا وابڵاوكرایەوە كە لەنێویاندا خانووی جەعفەر شێخ مستەفا، جێگری سەرۆكی هەرێمی كوردستان هەیە، بەڵام نووسینگەی میدیایی ناوبراو رەتیدەكاتەوە.


دەقی روونكردنەوەكە:-

روونکردنەوەیەک لە نووسینگەی میدیایی جێگری سەرۆکی هەرێم

بەپێی روونکرنەوەیەک لە قایقامییەتی قەزای ناوەندی هەولێرەوە، ئەو هەواڵەی کە ئەمڕۆ لە کۆمەڵێک پەیچی ناو فەیسبووک بڵاوکراوەتەوە، کە خانووەکەی بەڕێز شێخ جەعفەر شێخ مستەفا، جێگری سەرۆکی هەرێم کارەبای سەرپێچی راکێشاوە و لەلایەن تیمەکانی بڕینی کارەبای سەرپێچییەوە کارەباکەیان بڕدراوە، دوورە لە راستییەوە و هیچ پەیوەندییەکی بە بەڕێزیانەوە نییە.

بەڵکو خانووەکان سەر بە وەزارەتی پێشمەرگەن، بۆیە ئێمە سەرلەبەری ئەو تۆمەتانە رەتدەکەینەوە و بەڕێز جێگری سەرۆک لە ساڵی (2014)ەوە لەم خانووانە بەرپرسیار نییە، بەڵکو سەر بە وەزارەتی پێشمەرگەن.

نووسینگەی میدیایی جێگری سەرۆکی هەرێم

14/2/2022

ر. ئ.