مەودا میدیا-

بەڕێوەبەرایەتیی گشتیی تەندروستیی سلێمانی ژمارەیەک هەلی کاری پزیشکی رادەگەیەنێت بۆ بۆ نەخۆشخانەی دڵی منداڵان لە سلێمانی.

بەڕێوەبەرایەتیی گشتیی تەندروستیی سلێمانی لە راگەیەنراوێکدا رایگەیاند "بەپێی نووسراو و هەماهەنگی بەڕێوەبەرایەتیی گشتیی تەندروستیی سلێمانی و رێکخراوی منداڵپارێزی کوردستان،  داوای دامەزراندنی کارمەندانی پزیشکی کراوە بۆ چەند بەشێک لە نەخۆشخانەی دڵی منداڵان".

هەلی کارەکان و مەرجەکانی پێشکەشکردنی داواکاری:

٭ پەرستاری چاودێری ورد  ( بڕوانامەی زانکۆ)

٭ پەرستاری نەشتەرگەری    ( بڕوانامە زانکۆ)
 ٭ یاریدەدەری بێهۆشکار     ( بڕوانامە زانکۆ)
 ٭ یاریدەدەری بێهۆشکار    ( بڕوانامە پەیمانگا)
 ٭ پەرستاری پێرفیوژن
٭ پەرستاری وێنەگری تیشک
 ٭ پەرستاری قاوش ( بڕوانامە پەیمانگا)
 ٭ ئینفێکشن کۆنترۆڵ
 ٭ یاریدەدەری دەرمانساز
٭ پەرستاری تاقیگە
٭ پەرستاری هیمۆداینامیک
 ٭ پەرستاری چارەسەرکاری  سروشتی
 ٭ توێژەری کۆمەڵایەتی
٭ توێژەری دەروونی

ئەزمون و شیاوی :

1- بڕوانامەی زانکۆ لە پەرستاری لە زانکۆیەکی دانپێدانراو یان پەیمانگایەکی دانپێدانراو.

2- ( 1 بۆ 2 ) ساڵ ئەزمونی کارکردنی هەبێت لە کەرتی تەندروستی و پێشکەشکردنی (بەڵگە) کاتێک داوای لێدەکرێت.

3- پابەندبون بە سیاسەتی پاراستنی منداڵ تایبەت بە ڕێکخراوی منداڵپارێزی کوردستان. پێویستە پێشکەشکار زانیاری گشتی لەسەر پاراستن و پەروەردەکردنی منداڵ و مافە جیهانییەکانی منداڵان هەبێت

4- شارەزایی و لێهاتووبێت لە ڕێکارو هەنگاوە سەرەتاییەکانی فریاکەوتن و توانای هەبێت بۆ دەستبەجێ کاردانەوەی دۆخی پزیشکی.

5- پێویستە بەشێوەی تایبەت مامەڵە لەگەڵ خێزانی منداڵ بکات

6- شارەزابێت لە شێوازی گەیاندنی زانیاری لە کاتی دەرکردنی نەخۆش لە نەخۆشخانە

7- لە توانایدابێت ئامێرە تەکنەلۆجییەکانی ناو نەخۆشخانە بەکاربهێنێت.

جگە لەو ئەرک و بەرپرسیارێتییەی داواکراوە ، دەکرێت لەدەرەوەی ئەو داواکاریانە ئەرکی زیاتری لێ داوابکرێت.

پێویستە ئەم زانیاریانە لە سیڤییەکەدا خرابنەڕو:
1- شوێنی نیشتەجێبون.
2- جۆری بڕوانامە
3- تەمەن
4- کاری پێشو (شوێن - مەودای کاتی کارکردن - جۆری کار)
5- کاری خۆبەخشی

* دوا وادە بۆ پێشکەشکردنی داواکاری دامەزراندن 24/ 2 / 2022 دەبێت.

شێوازی پێشکەشکردن: کلیک لەسەر ئەم لینکە بکەو زانیاریەکان داخڵ بکە، پاشان سیڤیەکەت ئەپلۆد بکە لە هەمان لینک. تکایە با سیڤیەکەت بە شێوەی PDF بێت.

س،ر