مەودا میدیا-

بڕیارە سبەینێ سەرۆکی حکومەتی هەرێمی کوردستان لەسەر بانگهێشتی فەرمی میری قەتەر بە یاوەری شاندێكی حكومی، سەردانی قەتەر بکات.

فەرمانگەی میدیا و زانیاری هەرێمی کوردستان ئاشکرای کرد، سبەینێ سێشەممە 15ی شوباتی 2022 مەسرور بارزانی، سەرۆكی حكومەتی هەرێمی كوردستان لەسەر بانگهێشتی فەرمی شێخ تەمیم بن حەمەد ئالسانی، میری قەتەر بە یاوەری شاندێكی حكومی سەردانی قەتەر دەكات.

ئاماژە بۆ ئەوەشكراوە، كە سەرۆكی حكومەت لە سەردانەكەیدا جگە لە كۆبوونەوە لە گەڵ میری قەتەر لەگەڵ بەرپرسانی باڵای دیكەی ئەو وڵاتەش كۆدەبێتەوە و ئامانج لە سەردانەش بۆ گفتوگۆكردنە دەربارەی پەرەپێدانی پەیوەندیی دوولایەنە، بە تایبەتی لە بواری ئاڵوگۆڕی بازرگانی و وەبەرهێنان و وزە و كشتوكاڵدا.

س،ر