مەودا میدیا-

بەڕێوەبەرایەتیی پۆلیسی پارێزگای سلێمانی دەستگیرکردنی تۆمەتبارێکی ژنی راگەیاند کە به‌ چه‌قۆ هێرشيكردبووه‌ سه‌ر ژنێکی بە تەمەن و  به‌زۆر پاره‌ى لێ سه‌ندبوو.

لە راگەیەندراوەکەی پۆلیسی سلێمانیدا هاتووە "دواى ئه‌وه‌ى مه‌فره‌زه‌كانى پۆلیس ئاگاداركرایه‌وه‌ له‌ بوونى رووداوێكى هێرشكردنه‌ سه‌ر ژنێكى به‌ ته‌مه‌ن، ده‌ستبه‌جێ مه‌فره‌زه‌كانى نووسینگه‌ى نه‌هێشتنى تاوانى رۆژهه‌ڵات چونه‌ شوێنى رووداوه‌كه‌ و دواى وه‌رگرتنى بڕیارى به‌ڕێز دادوه‌ر توانرا تۆمه‌تبار ده‌ستگیربكرێت".

ئاماژە بەوەشکراوە "تۆمەتبارەکە بە چەقۆ ھێریشی کردبووە سەر کەسێکی نزیکی خۆی کە ژنێکی بە تەمەن بووە و  برینداری کردبوو، هەروەها بڕى 18 هه‌زار دۆلارى ئه‌مریكى و یه‌ك ملیۆن و پێنج سه‌د هه‌زار دینارى به‌ زۆر لێ سه‌ندووه‌".

پۆلیسی سلێمانی ئەوەشی خستووەتەڕوو "له‌ئێستادا تۆمه‌تبار (گ ، ى ، ف) له‌دایكبووى 1973 به‌بڕیارى به‌ڕێز دادوه‌ر ڕاگیراوه‌و ده‌ستیشگیراوه‌ به‌سه‌ر ئه‌و پارانه‌دا كه‌ بردوویه‌تى له‌گه‌ڵ چه‌قۆیه‌كدا".

س،ر