کوردستانی
راگەیەندراوێکی بەپەلە لە گۆڕانەوە
مەودا میدیا - سلێمانی |
مەودا میدیا-
بزووتنەوەی گۆڕان لەبارەی بڕیارەکەی دادگەی فیدراڵی عیراق لەسەر دۆسیەی نەوت و یاسای نەوت و غازی هەرێمی کوردستان دەڵێت "ئێمە لە بزوتنەوەی گۆڕان، جەخت لەسەر جێبەجێکردنی مادە دەستورییەکان دەکەینەوە، بەشێوەیەک بنەماکانی سیستمی فیدڕاڵیزم و مافە یاسایی و دەستورییەکانی کورد پارێزراوبێت".
لە راگەیەندراوێکدا سەبارەت بە بڕیارەکەی دادگەی فیدراڵی عیراق لەسەر دۆسیەی نەوت و یاسای نەوت و غازی هەرێمی کوردستان بزووتنەوەی گۆڕان ئاماژەی بەوەکرد "لە (15) ساڵی رابردوو و دوای دەرچواندنی یاسای نەوت و گازی ھەرێم، دروستنەکردنی کۆمپانیای نیشتیمانی و سندوقی داھاتە نەوتییەکان، گەندەڵی و بەھەدەردانی سامان، نەبوونی شەفافیەت و زانیاری پێویست لەبارەی داهاتی نەوت؛ متمانەی هاوڵاتیانی بە دۆسیەی سامانە سروشتیەکان لاواز کردووە، هەر ئەم فاکتەرەش وایکردووە خەڵکی کوردستان بە گومانەوە لە سیاسەت و داھاتی نەوت بڕوانن".
دەقی راگەیەندراوەکەی بزووتنەوەی گۆڕان:
راگەیەندراوێک لە بزووتنەوەی گۆڕانەوە..
دوابەدوای بڕیاری دادگەی فیدڕاڵی عیراق کە یاسای نەوت و گازی هەرێمی بە نادەستوریی لە قەڵەم دا، پێویستمان بە خۆڕێکخستنەوە و بەرەوپێشبردنی پەیوەندییەکانی حکومەتی هەرێم و حکومەتی ئیتحادییە؛ بەئامانجی چارەسەرکردنی کێشەکان و دروستبوونی لێکتێگەیشتنی هاوبەش بۆ بەڕێوەبردنی دۆسیەی نەوت و گاز.
بەپشت بەستن بە مادە دەستورییەکان؛ نەوت و گاز موڵکی گەلی عیراقە لە هەموو هەرێم و پارێزگاکاندا، هەروەک حکومەتی ئیتحادی و حکومەتی هەرێمەکان و پارێزگاکان بەیەکەوە هەڵدەستن بە نەخشەکێشان بۆ ستراتیژی پێویست بۆ بەرەوپێشبردنی سامانی نەوت و گاز بەشێوەک زۆرترین سودی بۆ ھاوڵاتیان بێت.
ئێمە لە بزوتنەوەی گۆڕان، جەخت لەسەر جێبەجێکردنی مادە دەستورییەکان دەکەینەوە، بەشێوەیەک بنەماکانی سیستمی فیدڕاڵیزم و مافە یاسایی و دەستورییەکانی کورد پارێزراوبێت. جەخت لەسەر مافی خۆبەخاوەنزانینی سەرچاوە سروشتییەکانی کوردستان دەکەین، بەتایبەت کە حکومەتی هەرێم پەرە بە چاکسازی گشتگیر بدات کە پشتیوانی خەڵک بۆ سیاسەتەکانی دەستەبەر بکات و پێداچوونەوە و چاکسازی لە کەرتی وزەدا بکات.
ھەروەک رەوانشاد نەوشیروان مستەفا، لە وتارێکدا بە ناونیشانی کێشەی نەوت لەنێوان حکومەتی ئیتحادی و حکومەتی ھەرێمدا، لە ساڵی (2007)دا دەنووسێت : "نابێ کورد بەھیچ جۆرێک و لەژێر ھیچ گوشارێکی ناوەکی و دەرەکیدا دەستھەڵگرێ لە مافەکانی خۆی، مافی خۆبەخاوەنزانینی سەرچاوە سروشتییەکانی کوردستان لەوانە نەوت و غاز و ئاو، بەڵام گەورەترین مەترسی لەسەر ئەم گرێبەستانە ئەوەیە لە تاریکی دا و لە ژوری داخراودا بێ ئاگاداری خەڵکی کوردستان ئەنجامدراوە. بۆ ئەوەی حکومەتی ھەرێم لەم لایەنەوە لەگەڵ حکومەتی ناوەند بەھێزبێ، دەبێ پشتئەستور بێ بە پشتیوانی خەڵک، بۆ ئەوەی پشتیوانی خەڵک بەدەستبھێنێ ئەبێ لە ھەموو ھەنگاوەکانی لە رۆشنایی دا و بە ئاشکرا کاربکات".
لە (15) ساڵی رابردوو و دوای دەرچواندنی یاسای نەوت و گازی ھەرێم، دروستنەکردنی کۆمپانیای نیشتیمانی و سندوقی داھاتە نەوتییەکان، گەندەڵی و بەھەدەردانی سامان، نەبوونی شەفافیەت و زانیاری پێویست لەبارەی داهاتی نەوت؛ متمانەی هاوڵاتییانی بە دۆسیەی سامانە سروشتییەکان لاواز کردووە، هەر ئەم فاکتەرەش وایکردووە خەڵکی کوردستان بە گومانەوە لە سیاسەت و داھاتی نەوت بڕوانن. بۆ رەوینەی گومان و چارەسەری کێشەکان پێویستە سیاسەتی نەوتی ھەرێم شەفاف بێت و داھاتەکەشی بخرێتە خزمەتی باشکردنی ئاستی بژێوی ژیانی خەڵک.
16ی2ی2022
بزووتنەوەی گۆڕان لەبارەی بڕیارەکەی دادگەی فیدراڵی عیراق لەسەر دۆسیەی نەوت و یاسای نەوت و غازی هەرێمی کوردستان دەڵێت "ئێمە لە بزوتنەوەی گۆڕان، جەخت لەسەر جێبەجێکردنی مادە دەستورییەکان دەکەینەوە، بەشێوەیەک بنەماکانی سیستمی فیدڕاڵیزم و مافە یاسایی و دەستورییەکانی کورد پارێزراوبێت".
لە راگەیەندراوێکدا سەبارەت بە بڕیارەکەی دادگەی فیدراڵی عیراق لەسەر دۆسیەی نەوت و یاسای نەوت و غازی هەرێمی کوردستان بزووتنەوەی گۆڕان ئاماژەی بەوەکرد "لە (15) ساڵی رابردوو و دوای دەرچواندنی یاسای نەوت و گازی ھەرێم، دروستنەکردنی کۆمپانیای نیشتیمانی و سندوقی داھاتە نەوتییەکان، گەندەڵی و بەھەدەردانی سامان، نەبوونی شەفافیەت و زانیاری پێویست لەبارەی داهاتی نەوت؛ متمانەی هاوڵاتیانی بە دۆسیەی سامانە سروشتیەکان لاواز کردووە، هەر ئەم فاکتەرەش وایکردووە خەڵکی کوردستان بە گومانەوە لە سیاسەت و داھاتی نەوت بڕوانن".
دەقی راگەیەندراوەکەی بزووتنەوەی گۆڕان:
راگەیەندراوێک لە بزووتنەوەی گۆڕانەوە..
دوابەدوای بڕیاری دادگەی فیدڕاڵی عیراق کە یاسای نەوت و گازی هەرێمی بە نادەستوریی لە قەڵەم دا، پێویستمان بە خۆڕێکخستنەوە و بەرەوپێشبردنی پەیوەندییەکانی حکومەتی هەرێم و حکومەتی ئیتحادییە؛ بەئامانجی چارەسەرکردنی کێشەکان و دروستبوونی لێکتێگەیشتنی هاوبەش بۆ بەڕێوەبردنی دۆسیەی نەوت و گاز.
بەپشت بەستن بە مادە دەستورییەکان؛ نەوت و گاز موڵکی گەلی عیراقە لە هەموو هەرێم و پارێزگاکاندا، هەروەک حکومەتی ئیتحادی و حکومەتی هەرێمەکان و پارێزگاکان بەیەکەوە هەڵدەستن بە نەخشەکێشان بۆ ستراتیژی پێویست بۆ بەرەوپێشبردنی سامانی نەوت و گاز بەشێوەک زۆرترین سودی بۆ ھاوڵاتیان بێت.
ئێمە لە بزوتنەوەی گۆڕان، جەخت لەسەر جێبەجێکردنی مادە دەستورییەکان دەکەینەوە، بەشێوەیەک بنەماکانی سیستمی فیدڕاڵیزم و مافە یاسایی و دەستورییەکانی کورد پارێزراوبێت. جەخت لەسەر مافی خۆبەخاوەنزانینی سەرچاوە سروشتییەکانی کوردستان دەکەین، بەتایبەت کە حکومەتی هەرێم پەرە بە چاکسازی گشتگیر بدات کە پشتیوانی خەڵک بۆ سیاسەتەکانی دەستەبەر بکات و پێداچوونەوە و چاکسازی لە کەرتی وزەدا بکات.
ھەروەک رەوانشاد نەوشیروان مستەفا، لە وتارێکدا بە ناونیشانی کێشەی نەوت لەنێوان حکومەتی ئیتحادی و حکومەتی ھەرێمدا، لە ساڵی (2007)دا دەنووسێت : "نابێ کورد بەھیچ جۆرێک و لەژێر ھیچ گوشارێکی ناوەکی و دەرەکیدا دەستھەڵگرێ لە مافەکانی خۆی، مافی خۆبەخاوەنزانینی سەرچاوە سروشتییەکانی کوردستان لەوانە نەوت و غاز و ئاو، بەڵام گەورەترین مەترسی لەسەر ئەم گرێبەستانە ئەوەیە لە تاریکی دا و لە ژوری داخراودا بێ ئاگاداری خەڵکی کوردستان ئەنجامدراوە. بۆ ئەوەی حکومەتی ھەرێم لەم لایەنەوە لەگەڵ حکومەتی ناوەند بەھێزبێ، دەبێ پشتئەستور بێ بە پشتیوانی خەڵک، بۆ ئەوەی پشتیوانی خەڵک بەدەستبھێنێ ئەبێ لە ھەموو ھەنگاوەکانی لە رۆشنایی دا و بە ئاشکرا کاربکات".
لە (15) ساڵی رابردوو و دوای دەرچواندنی یاسای نەوت و گازی ھەرێم، دروستنەکردنی کۆمپانیای نیشتیمانی و سندوقی داھاتە نەوتییەکان، گەندەڵی و بەھەدەردانی سامان، نەبوونی شەفافیەت و زانیاری پێویست لەبارەی داهاتی نەوت؛ متمانەی هاوڵاتییانی بە دۆسیەی سامانە سروشتییەکان لاواز کردووە، هەر ئەم فاکتەرەش وایکردووە خەڵکی کوردستان بە گومانەوە لە سیاسەت و داھاتی نەوت بڕوانن. بۆ رەوینەی گومان و چارەسەری کێشەکان پێویستە سیاسەتی نەوتی ھەرێم شەفاف بێت و داھاتەکەشی بخرێتە خزمەتی باشکردنی ئاستی بژێوی ژیانی خەڵک.
16ی2ی2022
ر. ئ.
بیروڕا
