مەودا میدیا-

بەڕێوەبەرایەتیی پۆلیسی سلێمانی تۆمه‌تبارێكی داواكراویان به‌ تۆمه‌تی‌ فێڵكردن ده‌ستگیركرد.

لە راگەیەندراوێکدا بەڕێوەبەرایەتیی پۆلیسی سلیمانی ئاماژەی بەوەکرد "دوای‌ ئه‌وه‌ی‌ هاوڵاتییه‌ك له‌بنكه‌ی‌ پۆلیسی‌ كوردسات سكاڵای‌ له‌سه‌ر تۆمه‌تبارێك تۆماركرد كه‌ فێڵی‌ لێكردووه‌، دواتر له‌لایه‌ن دادگەوه‌ به‌پێی‌ ماده‌ی‌ 456 فه‌رمانی‌ ده‌ستگیركردن بۆ تۆمه‌تباره‌كه‌ ده‌رچووه‌ و داواكراو بووه‌ له‌لایه‌ن دادگەوه‌".

باسی لەوەشکردووە "مه‌فره‌زه‌كانی‌ بنكه‌ی‌ پۆلیسی‌ كوردسات توانیان تۆمه‌تباره‌كه‌ ده‌ستگیربكه‌ن".

ئەوەشی خستووەتەڕوو، له‌ئێستادا تۆمه‌تبار (م. م. م.) به‌ بڕیاری‌ دادوه‌ر راگیراوه‌و پێشتریش به‌شێوه‌ی‌ غیابی‌ و بۆماوەی دوو ساڵ به‌پێی‌ ماده‌ی‌ 456 سزادراوه‌.

ر. ئ.