مەودا میدیا-

به‌شى پشكنین‌ و به‌دواداچوونى كۆنترۆڵى جۆریی به‌ڕێوه‌به‌رایه‌تی گشتیی ته‌ندروستى سلێمانى سه‌رجه‌م نه‌خۆشخانه‌ ئه‌هلییه‌كانى سلێمانى ئاگاداركراونه‌ته‌وه‌ ئه‌مڕۆ هیچ جۆره‌ نه‌شته‌گه‌رییه‌كى منداڵبوون ئه‌نجام نه‌ده‌ن.

بەپێی نووسراوێکی به‌شى پشكنین‌ و به‌دواداچوونى كۆنترۆڵى جۆریی به‌ڕێوه‌به‌رایه‌تی گشتیی ته‌ندروستى سلێمانى کە تیادا هاتووە "ئاگادارتان ده‌كه‌ینه‌وه‌ ئه‌مڕۆ 22ى شوباتى 2022 به‌هیچ شێوه‌یه‌ك هیچ جۆره‌ نه‌شته‌رگه‌رییه‌ك له‌كاتى ده‌وامى به‌یانیاندا ئه‌نجام نه‌درێت به‌ تایبه‌ت نه‌شته‌رگه‌ریی منداڵبوون".

ئه‌وه‌ش هاتووه‌ "جگه‌ له‌ پزیشكى پسپۆڕى نه‌شته‌رگه‌یی خانه‌نشین‌ و پزیشكى بێهۆشكاریی خانه‌نشین، هه‌ر نه‌خۆشخانه‌یه‌كیش سه‌رپێچى بكات، ئه‌وا له‌ رێگه‌ى لیژنه‌ى ئاسایش‌ و به‌ڕێوه‌به‌رایه‌تیمانه‌وه‌ ماوه‌ى 72 كاتژمێر هۆڵى نه‌شته‌رگه‌رییه‌كه‌ى داده‌خرێت، له‌به‌رئه‌وه‌ خۆتان به‌رپرسیار ده‌بن".

س،ر