مەودا میدیا-

وه‌زاره‌تی نه‌وتی عیراق داهاتی نەوتی بۆ مانگی ئاداری 2022ی بڵاوکردەوە بەپێی راگەیەندراوەکە بێت داهاتی نەوت لەو مانگەدا 10 ملیار و 913 ملیۆن و 197 هه‌ر زار دۆلار بووه‌.

وه‌زاره‌تی نه‌وتی عیراق له‌ به‌یاننامه‌یه‌كدا كه‌ ئاژانسی هه‌واڵی عیراقی بڵاویکردووەتەوە راگه‌یاند"رێژه‌ی فرۆشتنی نه‌وت له‌ مانگی ئاداری 2022 به‌پێی داتاكانی كۆمپانیای فرۆشتنی نه‌وتی عیراقی (سۆمۆ) گه‌یشتووەته‌ 100 ملیۆن و 579 هه‌زار و 612 به‌رمیل و به‌به‌های 10 ملیار و 913 ملیۆن و 197 هه‌ر زار دۆلار بووه‌".

ئاماژە بەوەکراوە "رێژه‌ی ناردنی نه‌وتی خاو له‌مانگی ئادار له‌گێڵه‌كانی ناوه‌راستی عیراق گه‌یشتووەته‌ 99 ملیۆنن و 130 هه‌زار و 677 به‌رمیل، به‌ڵام نه‌وتی كه‌ركوك به‌ڕێگەی به‌نده‌ری جیهانی توركییه‌وه‌ به‌رێژه‌ی یەک ملیون و 488 هه‌زار و 935 به‌رمیل بووه‌".

ئەوەش روونکراوەتەوە "نرخی هه‌ر به‌رمیلێكی نه‌وت (108,50) دۆلار بووه‌، به‌ڵام داهاتی رێژه‌ زیاده‌كانی فرۆشتنی نه‌وتی خاو كه‌ به‌نرخێكی زیاتره‌وه‌ فرۆشراوه‌ گه‌یشتووەته‌  273.804.794 مليۆن دۆلار".

ئەوەش هاتووە "ناردنی ئه‌و رێژه‌یه‌ی نه‌وتی عیراقی له‌لایه‌ن 34 كۆمپانی جیهانی چه‌ندین وڵات له‌ به‌نده‌ره‌كانی باشوور و عه‌وامه‌ی ئوحادی له‌كه‌ندا و به‌نده‌ری جیهانی توركی وه‌رگیراوه‌ و باركراوه‌".

س،ر