مەودا میدیا-

کەشناسیی هەرێم پێشبینییەکانی رەوشی کەشوهەوای بڵاوکردەوە و رایدەگەیەنێت، ئەمڕۆ و سبەینێ ئاسمان لەنێوان هەوری تەواو بۆ نیمچە  هەور و نمەباران دەبێت و لە هەندێک ناوچە لێزمەباران و هەورەتریشقەشی لەگەڵدادەبێت.

بەڕێوەبەرایەتیی گشتیی کەشناسی و بوومەلەرزەزانی هەرێمی کوردستان رایگەیاند "ئەمڕۆ ئاسمانی شارەکانی هەرێم هەوری تەوا و بۆ نیمچە هەوردەبێت و لە کات و شوێنە جیا جیاکاندا نمەباران و لێزمەباران دەبێت و لە هەندێک شوێنیش هەورەتریشقە دەبێت".

ئاماژەی بەوەشكردووە "سبەینێ هەینیش  لە زۆربەی ناوچەکان ئاسمان لەنێوان نیمچە هەور و هەوری تەواو دەبێت لەگەڵ بارینی نمەباران  لە هەندێک ناوچە, لەکاتەکانی دوای نیوەڕۆدا بە تایبەت لە ناوچە شاخاوییەکان باران بارین زیاتر دەبێت".

ماوەی چەند رۆژێکە شەپۆلێکی باران بارین هەرێمی کوردستان و ناوچەکەی گرتووەتەوە و پلەکانی گەرما بە ئاستێکی بەرچاو نزمبوونەتەوە و بەگوێرەی پێشبینییەکانیش ئەم شەپۆلە چەند رۆژێکی دیکەش بەردەوام دەبێت.

ر. ئ.